Hər bir dövlətin suverenliyi, ərazi bütövlüyü və təhlükəsizliyi onun güclü silahlı qüvvələri ilə qorunur. Bu mənada 26 İyun – Azərbaycan Silahlı Qüvvələr Günü, xalqımız üçün yalnız bir bayram deyil, eyni zamanda milli iftixar, vətənə bağlılıq və dövlətə sədaqətin simvoludur. Xəzər rayon Mənzil Kommunal Təsərrüfatı Birliyinin rəisi Hikmət Aslanov bu əlamətdar gün münasibətilə bildirmişdir: “26 İyun – Azərbaycan Silahlı Qüvvələri Günü hər bir azərbaycanlının qürurla qeyd etdiyi bir gündür. Bu gün tariximizə qəhrəmanlıq, fədakarlıq və dövlətə sədaqət günü kimi yazılıb.”

Azərbaycan Silahlı Qüvvələrinin əsası ilk dəfə 1918-ci il iyunun 26-da, Azərbaycan Xalq Cümhuriyyəti dövründə qoyulub. Bu gün məhz həmin tarixi hadisənin davamı olaraq Azərbaycan Respublikasının dövlət bayramları siyahısına daxil edilib. 1991-ci ildə müstəqilliyini bərpa edən Azərbaycan, öz müstəqil ordusunu formalaşdırmağa başladı. Ancaq ordu quruculuğunun sistemli və peşəkar şəkildə aparılması məhz Ümummilli Lider Heydər Əliyevin hakimiyyətə qayıdışından sonra mümkün oldu. Hikmət Aslanov bu barədə deyir: “Ulu Öndər Heydər Əliyevin hakimiyyətə qayıdışı ilə Azərbaycan ordusu yenidən doğuldu. Onun uzaqgörən siyasəti nəticəsində biz bu gün güclü və müasir silahlı qüvvələrə sahibik.”

Müstəqil Azərbaycanın ordu quruculuğu siyasəti bu gün Prezident, Ali Baş Komandan İlham Əliyevin rəhbərliyi ilə davam etdirilir. Prezidentin apardığı islahatlar, hərbi texnika və infrastrukturun yenilənməsi, hərbçilərin sosial müdafiəsinin gücləndirilməsi bu sahədə mühüm nailiyyətlərə yol açıb. Hikmət Aslanov qeyd edir: “Prezident İlham Əliyevin qətiyyətli iradəsi və uzaqgörən siyasəti nəticəsində Azərbaycan Ordusu bu gün Cənubi Qafqazın ən güclü və peşəkar ordusudur. Xalqımız 44 günlük Vətən müharibəsində bu gücü bir daha gördü.”

Azərbaycanın 2020-ci ilin sentyabrında başladığı və 44 gün davam edən Vətən müharibəsi, ordumuzun gücünün, xalqımızın birliyinin və rəhbərliyin qətiyyətinin simvoluna çevrildi. Azərbaycanın qəhrəman əsgər və zabitləri Ali Baş Komandanın əmri ilə işğal altında olan torpaqları azad etdilər. Hikmət Aslanov bu barədə fikirlərini bölüşərək bildirir: “Vətən müharibəsində qazandığımız tarixi Qələbə bizim ordumuzun nəyə qadir olduğunu bir daha sübut etdi. Bu zəfər təkcə hərbi deyil, həm də mənəvi qələbə idi. Azərbaycan xalqı bir yumruq kimi birləşdi.”

Ordunun yalnız silah və texnika ilə deyil, həm də mənəvi və sosial dəstəklə güclənməsi xüsusi əhəmiyyət daşıyır. Vətən müharibəsindən sonra şəhid ailələri, qazilər və müharibə iştirakçılarına dövlət tərəfindən göstərilən diqqət və qayğı da bu istiqamətdə atılan addımlardandır. Hikmət Aslanov bildirir: “Biz Xəzər rayonunda şəhid ailələrinə və qazilərə daim diqqət göstəririk. Onların məişət, kommunal və sosial problemlərinin həlli daim nəzarətimizdədir. Onların göstərdiyi qəhrəmanlıq bizim azadlığımızı təmin edib, biz də bu qəhrəmanlara və onların ailələrinə sahib çıxmalıyıq.”

Hər bir sahə öz imkanları daxilində dövlətə və vətənə xidmət edir. Hikmət Aslanovun rəhbərlik etdiyi Xəzər rayon Mənzil Kommunal Təsərrüfatı Birliyi də bu sahədə öz üzərinə düşən vəzifələri uğurla yerinə yetirir. Pandemiya dövründə və Vətən müharibəsi zamanı həyata keçirilən dəstək tədbirləri, şəhid ailələrinin evlərinin təmiri, qazilərin yaşadığı binaların abadlaşdırılması bu fəaliyyətin parlaq nümunələridir. Hikmət müəllim deyir: “Əgər ön cəbhədə əsgərlərimiz mübarizə aparırdılarsa, arxa cəbhədə biz onların ailələrinin qayğısını çəkməklə öz töhfəmizi verirdik.”

Silahlı Qüvvələr Gününün təbliği, gənclərin milli ruhda formalaşmasına da xidmət edir. Məktəblərdə, mədəniyyət ocaqlarında, müxtəlif tədbirlərdə orduya və vətənə sevgi aşılamaq, gələcək nəsillərin formalaşmasında vacib rol oynayır. Hikmət Aslanov bu məsələyə xüsusi diqqət çəkir: “Vətənpərvərlik təkcə hərbi geyim geymək deyil, o ruhda böyüməkdir. Biz gənclərimizin tarixini, şəhidlərimizin qəhrəmanlığını öyrənməsi üçün dəstəyimizi əsirgəmirik. Hər tədbirdə şəhidlərimiz yad edilir, bayrağımıza, ordumuza sevgi aşılanır.”

26 İyun – Silahlı Qüvvələr Günü hər il Azərbaycan ərazisində coşqu ilə qeyd olunur. Bu gün keçirilən hərbi paraddan tutmuş müxtəlif tədbirlərə qədər xalqın orduya sevgisini və dövlətinə olan bağlılığını nümayiş etdirir. Hikmət Aslanov bu günün əhəmiyyətini vurğulayaraq deyir: “Silahlı Qüvvələr Günü bizə ordumuzun qəhrəmanlığını, tariximizin şərəfli səhifələrini, dövlətimizin gücünü xatırladır. Bu gün eyni zamanda vətənə sədaqət andıdır. Hər birimiz bu gün bir daha özümüzə söz veririk ki, dövlətimizə, bayrağımıza və torpağımıza sahib çıxacağıq.”

Xəzər rayon MKTB-nin rəisi Hikmət Aslanov yalnız peşəkar rəhbər kimi deyil, həm də ictimai xadim kimi tanınır. O, rəhbərlik etdiyi müəssisədə səmərəli iş rejimini təmin etməklə yanaşı, sosial məsuliyyətini də hər zaman ön planda tutur. Xüsusilə milli günlərdə, dövlət tədbirlərində, xeyriyyə və vətənpərvərlik aksiyalarında fəal iştirakı, onu bölgədə tanınan və nüfuz qazanan rəhbər kimi səciyyələndirir. O deyir: “Dövlət bizə etibar edib, biz də bu etimadı doğrultmaq üçün gecə-gündüz çalışmalıyıq. Mənim üçün rəhbər olmaq təkcə vəzifə daşımaq deyil, həm də xalqa xidmət etməkdir.”

Azərbaycanın bugünkü güclü ordusu, xalq-dövlət-ordu birliyi, dövlətin apardığı uğurlu siyasət, xalqın yüksək vətənpərvərlik ruhu – bütün bunlar 26 İyun – Silahlı Qüvvələr Gününü əsl millət bayramına çevirir. Bu gün təkcə əsgərlərin deyil, bütün xalqın bayramıdır. Hikmət Aslanovun da qeyd etdiyi kimi: “Ordusu güclü olan xalq heç vaxt əsarət altına düşə bilməz. Biz bu gün müstəqil, güclü, qürurlu Azərbaycan dövlətinin vətəndaşlarıyıq. Bu vətən uğrunda can verənlərə, onu qoruyanlara və inkişaf etdirənlərə borcluyuq.”

Silahlı Qüvvələr Günü münasibətilə Azərbaycan Ordusunu, hərbi qulluqçularımızı, veteranlarımızı və şəhid ailələrimizi təbrik edir, dövlətimizin və ordumuzun daim güclü, qalib və uca olmasını arzulayırıq!