Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.

Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.

Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - icra başçısı, xeyriyyəçi Zaqatala Rayon İcra hakimiyyətinin başçısı Mübariz Əhmədzadənin keçdiyi mənalı ömür yoluna qısa da olsa, nəzər salmağa çalışacağıq.

Təsadüfən deməyiblər, elin gözü tərəzidir. Hər bir insanı öz mühiti, öz toplumu formalaşdır və onun həyatına, fəaliyyətinə ən sərrast qiyməti də məhz öz ətrafı, tanıdıqları, yaşadığı, üzvü olduğu toplum verir. Bu qiymətləndirmədən uğurla keçmək, bu imtahandan alnıaçıq çıxmaq isə hər adamın nəsibi olmur.

Əgər bugünə kimi yaxşılıq etdiyi, təmənnasız xeyirxahlıq göstərdiyi çoxsaylı insanların minnətdarlığını və alqışlarını da mükafat saysaq, onda deyə bilərik ki, Mübariz Əhmədzadənin saysız-hesabsız mükafatlar və təltiflər müəllifidir.

Mübariz Əhmədzadənin səmimiyyət, xeyirxahlıq, mərdlik, düzlük kimi müsbət insanı keyfiyyətlərini də, xüsusi ilə qeyd etmək lazımdır. O, həm də nümunəvi ailə başçısı, bir nəslin, mən deyərdim ki, bir elin, obanın nüfuzlu şəxslərindədir.  

Zaqatalada fındıqçılıqda istifadə olunan kənd təsərrüfatı texnika və avadanlıqlarının sərgi-satış yarmarkası keçirilib

Zaqatala Dövlət Aqrar İnkişaf Mərkəzinin (DAİM) həyətində təşkil olunan yarmarkada nazirliyin müvafiq qurumları, Aqrar Kredit və İnkişaf Agentliyi, “Aqroservis” ASC, Meyvəçilik və Çayçılıq Elmi-Tədqiqat İnstitutunun tabeliyində olan Zaqatala DAİM məntəqəsi, FAO, müxtəlif suvarma və mineral gübrələrin satış şirkətləri, həmçinin texnika satışı ilə məşğul olan şirkətlər və fermerlər iştirak ediblər.
Tədbirdə sahənin inkişafı üçün lazım olan texnikalar - traktorlar, gübrəsəpənlər, frezlər, dərmansəpənlər, innovativ budaq doğrayan aqreqatlar, qoşqu vasitələri və digər avadanlıqlar nümayiş olunub.
Sərgidə, həmçinin Meyvəçilik və Çayçılıq Elmi-Tədqiqat İnstitutunun tabeliyində olan Zaqatala DAİM məntəqəsi tərəfindən fınqdıqçılığın inkişafı üçün yerli, xarici və qarışıq fındıq sortları nümayiş etdirilib. Mineral gübrələrin satışı ilə bağlı “Aqroservis” ASC və digər şirkətlər fındıqçılıqda istifadə olunan mineral gübrə və dərmanları sərgiləyiblər.
Yarmarkanın keçirilməsində əsas məqsəd fındıq bağlarında meyvələrin kütləvi yığımının vaxtında və itkisiz aparılması üçün istehsalçılara lazım olan yeni innovativ texnikalarla tanışlıq, ticarət şəbəkəsinin yaradılması, rəqabət mühitinin formalaşdırılması, istehsalçı ilə istehlakçı arasında birbaşa münasibətlərin qurulması, işgüzar və səmərəli görüşlərin keçirilməsi, yeni innovativ texnologiyaları tətbiq etməklə məhsuldarlığın artırılmasıdır.
Sərgi-yarmarkada iştirak edən fermerlərə fındıqçılığa dair yeni məlumatlar verilib və bu sahənin inkişafında istifadə olunan metodlar barəsində maarifləndirici söhbətlər aparılıb.

Zaqatala şəhərində koronavirus əleyhinə dezinfeksiya işləri görülüb

Zaqatalada koronavirus infeksiyasının yayılmasının qarşısının alınması məqsədilə qabaqlayıcı tədbirlər davam etdirilir. Son günlər ölkə ərazisində virusa yoluxma sayının artması ilə əlaqədar rayonda koronavirus pandemiyasına qarşı mübarizə tədbirləri daha da gücləndirilib.
Sentyabrın 7-də Zaqatala şəhərində növbəti kütləvi dezinfeksiyaedici tədbirlər həyata keçirilib. Şəhərin prospekt və küçələri, yeraltı keçid, yaşayış məhəllələrinin əraziləri, çoxmənzilli binaların giriş blokları və pilləkənlər suya xüsusi dezinfeksiyaedici maddə qatılmaqla yuyulub, satış mərkəzlərində, bankomatların yerləşdiyi ərazilərdə təmizlik və dezinfeksiya işləri aparılıb.
İnsanların sağlamlığının qorunması məqsədilə rayonda dezinfeksiya işləri mütəmadi davam etdiriləcək.

---

---