Yaxşıya yaxşı demək vicdan borcudur. İstər vəzifə sahibi olsun, istərsə də sıravi, sadə vətəndaş. Mən bu gün bu iki vəhdəti özündə birləşdirən bir azərbaycanlıdan söhbət açacam. O azərbaycanlı ki, ömrünü sadiqliyə və zəhmətə kökləyib, bütün çətinliklərdən, dedi-qodudan üzü ağ çıxıb, evində mükəmməl bir ata, işində yorulmaz rəhbər, nümunəvi icra başçısıdı. Bu şəxs kimidir?

Çox pis zəmanədə yaşayırıq. Vəzifə, səlahiyyət sahibi olanlar arasında onlara yuxarılardan və aşağılardan olan inam və etimadı doğruldanları barmaqla saymaq olar. Ömrünü-gününü bu müqəddəs amala həsr edənlər, həmin barmaqla sayılanlar arasında Qax Rayon İcra Hakimiyyətinin başçısı Musa Şəkiliyev adının olması kimsəyə sirr deyil. Kişi əsl saflıq, təmizlik nümunəsidir.

Qax Rayon İcra Hakimiyyətinin başçısı Musa Şəkiliyevin hər bir rəhbər şəxsə əsl nümunə, görk olan yüksək məziyyətlərindən danışmaqla onun portretinin cizgilərini cızmaq belə mümkün deyil. Bir də sözümüzü tərsə başa düşməyələr. O portreti cızılacaq adam kimsənin xəyalından belə “inanan daşa dönsün” fikri o böyük ürək sahibinə qarşı çox böyük hörmətsizlik olardı.

Astaralı şəhidlərin övladları rayonumuzda olublar

Torpaqlarımızın erməni işğalçılarından azad edilməsi uğrunda gedən döyüşlərdə canlarından keçərək şəhadətə yüksələn Astara şəhidlərinin övladları və ailə üzvləri rayonumuzda  qonaq  olublar. Astara rayon Gənclər və İdman İdarəsinin təşkilatçılığı ilə reallaşan səfər zamanı şəhid övladları rayonun gəzməli-görməli yerləri ilə tanış olub, tarixi məkanlara baş çəkiblər.
      Astaralı qonaqlar, əvvəlcə xalqımızın ümummilli lideri Heydər Əliyevin Qax şəhərinin mərkəzində ucaldılan abidəsi önünə gül dəstələri qoyub,  xatirəsini ehtiramla yad ediblər.
      Sonra Astara şəhidlərinin övladları və ailə üzvləri milli memarlıq üslubunda inşa edilmiş Heydər Əliyev Mərkəzini ziyarət edib, Qax şəhərinin qədim tarixi hissəsi - “İçəribazar” Turizm Mədəniyyət Mərkəzi ilə tanış olublar.
      Qonaqlar, həmçinin İlisu kəndinin əsrarəngiz təbiət mənzərələri ilə də tanış olub, tarixi abidələrə baş çəkiblər.
 

---

---