Xəbər verdiyimiz kimi Biləcəri qəsəbəsində "Ploşad" deyilən yerdə balaca bir kabinetdə fəaliyyət göstərən Amil "həkim" silsilə yazılarımıza və Azərbaycan qanunlarına məhəl qoymadan fəaliyyətini davam etdirir. İşlədiyi yeri virus mənbəyinə çevirmişdir. 
Biz də üzərimizə düşən işimizi gördük. Və aidiyyatı qurumlara məktub vasitəsi ilə müraciət etməli olduq. Qoy Amil adlı bu şəxs qanunlarımızın aliliyini görsün.  


- Yazımızın davamı olaraq sizi məlumatlandırmaq istəyirik ki, elə bir insan tapılmaz ki, həyatında bir dəfə olsun stomatoloqa müraciət etməsin. Son vaxtlar diş həkimlərinin istifadə etdiyi alətlərin dezinfeksiyası və sterilizasiyası məsələsi geniş müzakirə olunur. Biləcəri qəsəbəsində "Ploşad" deyilən yerdə balaca bir kabinetdə fəaliyyət göstərən Amil "həkim" (əgər həkim demək olarsa, aldığımız məlumata əsasən əvvəllər texnik işləyib, ali dərəcəli diplomu yoxdur) stomatologiya aid olan avadanlıqlar nəinki Avropa standartlarına, heç müqayisə edici dərəcədə deyil. Burada fəaliyyət göstərən Amil adlı şəxs aldığımız məlumata əsasən stomatoloji avadanlıq və ləvazimatı strelizə olunmur. Bildiyiniz kimi ən çox daşıyıcı xəstəliklər məhz stomatoloji avadanlqılardan və bu cür fəaliyyət göstərən kabinetlərdən yayılır. Görəsən Amil neçə nəfəri "bədbəxt" edib? Çünki, xəstə heç vaxt virusu ani hiss etmir, bir neçə müddətdən sonra fəsadlarını göstərir. 
Hansı stomatoloji kabinetdə lisenziya vurulmayıbsa xəstələr bilməlidirlər ki, orada həyat və sağlamlıq üçün təhlükəli olan QİCS, Hepatitin müxtəlif növlərinə yoluxa bilərlər.                Biləcəri qəsəbəsində fəaliyyət göstərən bu kabinet sanitar-gigiyenik tələblərin yerinə yetirilməsi üçün şərait olmayan,  alətlərin sterilizasiya edilməsi üçün xüsusi aparat olmayan stomotoloji kabinetlər lisenziyasız fəaliyyət göstərənlərdəndir. Oxucularımızı məlumatlandırmaq istəyirik ki, bu cür kabinetlərə üz tutmasınlar. Sağlamlıqlarını qorusunlar. Amil kimi işbazlar fürsətdən istifadə edib həm pulunuzu, həm də sağlamlığınızı əlinizdən alır. Ağız boşluğunda selikli qişa ilə təmasda olan tibbi alətlərinin sterilizasiya edilməməsi üzündən hamilə qadınların, azyaşlı uşaqların belə bu təhlükəli virusların daşıyıcılarına çevrilmə ehtimalının böyük olduğu barədə xəbərdarlıq edirik.
Biz də öz üzrəmizə düşən vəzifəmizi yerinə yetirməklə həm ictimaiyyəti, həm də aidiyyatı orqanları məlumatlandırmaq istəyirik Amil adlı şəxs barəsində ciddi ölçü götürsünlər. 
Biz müvafiq orqanlara müraciət edirik. Qısa vaxt ərzidə sizi də məlumatlandıracağıq.
Mövzuya qayıdacağıq.


- Heqiqixeber.az xəbər verir ki, "HƏKİM YOXSA TEXNİK???? AĞZIMIZI KİMƏ ETİBAR EDƏK?..." yazının davamı olaraq sizə çatdırmaq istəyirik ki, antisanitar vəziyyətin baş alıb getdiyi, Biləcəri qəsəbəsində "Ploşad" deyilən yerdə balaca bir kabinetdə fəaliyyət göstərən Amil "həkim" (əgər həkim demək olarsa) qanunlarımıza biganə yanaşaraq, qeyri-qanuni, lisenziyasız fəaliyyət göstərərək vətəndaşları aldadaraq onların pullarını mənimsəyir. Kütləvi İnformasiya Vasitələrinin qanunlarına uyğun olaraq qarşı tərəfin mövqeyini öyrəndik. Amil "həkim" bizə bildirdi ki, "mən heç kimdən qorxmuram, gedin nə istəyirsiniz onu da edin. Pulum var, pulla hər şeyi həll etmək olur".
Biz də saytımız vasitəsi ilə aidiyyatı orqanlara müraciət edərək bildirmək istəyirik ki, bu cür qeyri-qanuni fəaliyyət göstərən bu şəxs haqqında araşdırmalar aparılsın və barəsində qanuni şəkildə ölçü götürülsün.

Araşdırmalarımız davam edir.


- Qonşun pisdir, köç qurtar, dişin ağrıyır çək qurtar
Heqiqixeber.az xəbər veriri ki, düzgün həkim seçib, gərəkli praktika ilə müalicə olunanda və keyfiyyətli dişlər qoyulanda fəsadlar olmaz. Ancaq təəssüflər olsun ki, bəzi “həkimlər” maddiyyata üstünlük verir və biz insanların həyatını təhlükə altında qoyurlar.
Təbii ki, heç kəs canının düşməni deyil və imkan olarsa hər kəs heç olmazsa ayda bir dəfə də də olsa həkimə müraciət edir. Axı, can hər şeydən şirindir. Və danılmaz həqiqətdir ki,diş ağrısı heç bir ağrılara bənzəməz. Amma unuduruq ki, mədə-bağırsaq sisteminin sağlamlığı dişlərin sağlamlığı ilə bilavasitə bağlıdır. Həkimlərin gəldiyi qənaətə görə, hətta 1 dişin əskikliyi çeynəmə prosesini pozur.
Ağız boşluğunda olan mikroblar qan axını ilə müxtəlif orqan və sistemlərə düşərək burada iltihabın yaranmasına səbəb ola blər.
Son bir neçə ildir ki, ölkəmizdə nə qədər bahalı olsa da keramika, implant, zirkon və.s dişlərə maraq artmaqdadır. Amma, təəssüflər olsun ki, bir çox insanlar, “gözəllik qurban tələb edir”-fikrinə üstünlük verərək öz sağlamlıqlarını qurban verirlər. Daha düşünmürlər ki, maraq dairəmizə çevrilən bu süni gözəllik yaradan dişlər ağılagəlməyən xəstəliklərin yaranmasına səbəb olur. Ona görə də diş həkimini seçərkən ehtiyatlı olmaq vacib şərtlərdən biridir.
Təəssüflər olsun ki, dəfələrlə şikayət əsasında keçirilmiş yoxlamalar zamanı lisenziya olmadan,antisanitar qaydalara riayət olunmadan, qanunsuz özəl tibb fəaliyyəti ilə məşğul olma faktları hələ də aşkar olunmaqdadır. Qanunsuz, lisenziyasız, sanitar qaydalara riayət edilmədiyi halları bilsək də, bəzən məcbur olanda yaşadığımız ərazidə və yaxud da imkanımıza uyğun olaraq ən yaxın diş kabinetlərinə gedirik. Müxtəlif yoluxucu xəstəliklərin tüğyan etdiyi diş kabinetlərində diş qoydumaqdan da çəkinmirik... Təbii ki hamı öz cibinə uyğun-kimisi adi diş, kimisi keramika, kimisi də implanta müraciət edir. Elə yazımın qəhrəmanı kimi..Yaxşı yadımdadır ki, biz uşaq olarkən valideynlərimiz dişimiz ağrıdığında həkimə getdiyimizdə, həkimin ilk sözü, gəlin, müalicə edək, ancaq heyifdir, çəkməyək,axı insanın öz dişinin yerini heç nə əvəz edə bilməz, deyərdi. Ancaq bu gün vəziyyət tamam başqadır. Nə əvvəlki həkimlər qalır, nə də ki,o cür həkimlərin fikirlərini yaşadan həkimlik....
Bu günlərdə adının çəkilməsini istəməyən şikayətçinin protest qoydurduğu üçün başına gəlməyən zillət qalmayıb. Onun sözlərinə görə, 3 ay öncə protest diş qoyulması üçün həkimə müraciət edib. Diş qoydurduqdan az sonra isə üz və ağız hissəsində şişkinliklər, kəskin baş ağrıları müşahidə olunub. Daha sonra hələ bu azmış kimi diş qırılıb. Zərərçəkən bildirir ki, stomatoloq qoyduğu dişin keyfiyyətinə 100% zəmanət olduğunu bildirib. Ancaq posientdə yaranan vəziyyətə nəzər saldıqda aydın görmək olur ki, bu diş, olduqca keyfiyyətsizdir.Baş verənlərə dair tam əminliklə deyə bilərəm ki,bəzi həkimlər maddiyata üstünlük verir və onlar posientlərinin həyatını öz arzularına qurban edirlər. Nəticədə isə xeyir görən həkimlər, ziyan çəkən isə o cür həkimlərə sağlamlıqlarını etibar edib, ziyan çəkən posientlər olur. Axı unutmamalıyıq ki, hər oxuyan Molla Pənah olmaz. Özünü reklam edən hər həkim işinin öhdəsindən ustalıqla gələ bilmir.Belə mənfi halların yaşanmaması üçün öz dişinin yenisi ilə əvəz olunması ilə bağlı həkimə müraciət edən və bu prosedurdan keçən pasientləri nəzarətdə saxlamaq, posientlə mütəmadi ünsiyyətdə olmaq lazımdır. Rentgent müayinələr aparılmalıdır, Öz işinin mütəxəssisi olan həkimlərin fikrinə hörmətlə yanaşır və onların dediyini nəzərə alaraq bildirmək istəyirəm ki, rentgen işimizin güzgüsüdür.
 Buradan belə qənaətə gəlmək olur ki,əgər hər hansı bir posient düzgün müalicə və müayinə olunarsa heç bir fəsadlar baş verə bilməz. Və sonunda da antisanitar vəziyyətin baş alıb getdiyi, Ploşad deyilən yerdə balaca bir kabinetdə fəaliyyət göstərən Amil həkim qoyduğu dişin keyfiyyətsiz olduğunu öz səhvi deyil, texnikin səhvi kimi əlaqələndirir.Ancaq çox təəssüf hissilə qeyd edim ki, bəzi həkimlər maddiyata önəm verdikləri üçün iş keyfiyyətli olmur, posient isə nəinki arzusunda olduğu gözəlliyinə qovuşur, əksinə, öz gözəlliyi ilə bərabər sağlamlığını da itirir. Buna səbəb olan isə şikayətçinin təbirincə desək, biz insanların saf niyyətini öz ciblərinə qurban edən Amil həkim və onun kimi həkimlər olur.
Biz insanlar da hər zaman olunan reklamlara aldanaraq əziyyət çəkirik.P.S. Bu dünya fanidir. Heç kimsə bu dünyadan köçərkən heç bir şey aparmır. Odur ki, milyonlara sahib olsaq da insanlığımızı unutmayaq. Və unutmayaq ki, bizə inanan insanların güvənindən istifadə edib,sağlamlıqları ilə oynamaq olmaz.Biz bir yazar olaraq şikayətdə adı hallanan həkimlə telefon əlaqəsi saxlayaraq məsələyə aydınlıq gətirməsini xahiş etdik.Həkim də özünə xas formada bizə bildirdi ki,bu mənim səhvim deyil,texnikin səhvidir.Mən öz işimin öhdəsindən layiqincə gəlmişəm.Doğrusu,bu gülqnc doğuran cavab bizdə belə bir fikir formalaşdırdı ki,texnik də elə Amil həkimin özüdür.Axı hər birimizə yaxşı məlumdur ki, texnik də həkimin verdiyi forma və ölçüyə uyğun işləyir.Mən bu məsələ ilə bağlı aidiyyəti orqanlara, Azərbaycan Respublikasının Baş prokuroru cənab Kamran Bayram oğlu Əliyevə,Azərbaycan Respublikasının Səhiyyə Naziri Teymur Yusif oğlu Musayevə müraciət edərək bu məsələ ilə bağlı ölçü götürmələrini,insanların sağlamlıqlarını öz ciblərinə qurban verən bu cür "həkim"lərlə bağlı hər hansı bir tədbir görmələrini xahiş edirəm.Ümid edirik ki,dəfələrlə cərimə olunduqlarına baxmayaraq xəstəlik mənbəyi olan bu stomatoloji kabinetin hələ də fəaliyyət göstərməsi səbəbi məhz aidiyyəti orqanların birbaşa nəzarətində olacaq.
Bizi izləməyə davam edin.
Qarşı tərəfin mövqeyini dərc etməyə hazırıq.




Heqiqixeber.az