Bu söz hər zaman öz kəsərini qoruyub,saxlayacaq.Həqiqətən çox maraqlı,maraqlı olduğu qədər də düşündürücüdür.Ümidvaram ki, yazımı oxuyan kəs bu atalar misalını öz əməlinə uyğun şəkildə dəyərləndirəcək. Və inanıram ki, yazımın "qəhrəman"ları da öz əməllərinə,savadına uyğun qiymət verəcək mənası ağır çəkili olan bu atalar sözünə.

"Utanmasam oynamağa nə var ki?!"- deyərkən atalarımız heç də toyda,ya da hər hansı bir el məclislərində əl açıb,oynamağı nəzərdə tutmayıb.Ən maraqlısı da budur ki, bu söz günü-gündən aktuallaşır.Və çox təəssüflər olsun ki,bu misalın aktuallığı xalqın görən gözü,danışan dili hesab etdiyi media qrupuna da sirayət etməkdədir.

Bakı Dövlət Universitetinin professoru Qulu Məhərrəmlinin Jurnalistlərin nöqsanlara göz yummağı peşəsinə xəyanətidir"-sözünü rəhbər tutaraq bu yazını yazmağa qərar verdim.

Və bu gün mən. qarşıma bir məqsəd qoydum.

Jurnalist adı altında fəaliyyət göstərərək bir çox sadəlövh məmurları, xeyirxah insanları Hacı,Məşhədi,Seyyid,Qazi, əsgər valideyni,şəhid ailələri üçün tədbir keçiririk.Bu səbəbdən bir miqdar məbləğimiz çatmır və yaxud da Şəhidlərimizə,Qazilərimizə həsr olunan dərgilər hazırlayırıq!-adı altında aldadan "jurnalist"lərə qarşı mübarizə aparacaq,onların saxta əməllərinin aidiyyatı orqanlar tərəfindən cəzalandırılması üçün əlimdən gələni edəcəyəm.Yəqin bunu oxuyan hər kəs yazıma öz əməlinə, savadına uyğun don geyindirəcək.

Ancaq bütün çətinliklərə sinə gərib,mətbuatımızın öz əvvəlki şöhrətinin özünə qaytarılması yolunda mən də əlimdən gələni əsirgəməyəcəm.

Hər kəsə yaxşı məlumdur ki,heç bir məmur,heç bir idarə,müəssisə və təşkilat rəhbəri nə mətbuatı,nə də ki,mətbuat işçilərini ən əsası da qələm sahiblərinin tənqidi çıxışlarını sevmir.Əlbəttə ki,hər bir yazar da öz işini dəqiq və qərəz,vicdanla görməlidir.

Jurnalistlər haqqın və haqqı olanın yanında olmalı, fakta əsaslanaraq həqiqətləri əks etdirən yazılarla çıxış etməlidir.

Bir sözlə,jurnalist gördüklərinə göz yumub,susursan,bu,özünə inamsızlığı,peşəsinə xəyanəti deməkdir. Mən də bu məqsədlə qələmimi süngüyə çevirib,uzun bir yola çıxdım.Tam əminliklə deyə bilərəm ki,bu yolda məni dəstəkləyən həmkarlarım çox olacaq.

Ancaq yazımdan özünə pay götürüb məni daş-qalaq etmək istəyənlərin də olacağı istisna deyil.

Təəssüf hissilə qeyd edirəm ki,bu gün jurnalistikanın qaydalarını pozan və mediaya xas olmayan xüsusiyyətləri özündə birləşdirən, sistemli şəkildə peşə davranış qaydalarını pozan məmurlar əxlaqsız qadınlar qrupu var ki, onlar da jurnalist adı altında fəaliyyət göstərir.Ən acınacaqlı hal da budur ki,dövlət məmurlarının bəziləri həmin əxlaqsız "jurnalist"lərə yüksək dəyər verir,onları az qala əlçatmaz edir.

Buradan belə qənaətə gəlmək mümkündür ki,belə "jurnalist"lərin arxasında bəzi məmurlar (iraq yaxşılardan) dayanır.

Və ən pis hal da budur ki,həmin məmurlar savadlı bir yazarın-jurnalistin adını çəkərkən tanımırlar. Əksinə,elə bir ad çəkib,onları yüksək tuturlar ki,insan jurnalist   olduğuna, bu sahədə fəaliyyət göstərdiyinə utanır. Əxlaqsız "jurnalist" deyəndə təkcə qadınları nəzərdə tutmuram.

Bu ada layiq olan, kişi cinsli "jurnalist"lər də mövcuddur ki,onlar jurnalist adı altında fəaliyyət göstərən əxlaqsızları öz ətrafına çəkib,onları məmurları şantaj etmək,qazanc məqsədilə bəsləyirlər.Belə "kişi jurnalist"lərlə təsadüfən rastlaşanda isə əsil qələm sahiblərinə yuxarıdan aşağı baxır, özlərini öyərək mən,günümə iki min,üç min qazanmasam,işləmərəm,deyə sanki qarşısındakını alçaltmağa çalışır.

Əlbəttə ki,belə "jurnalist"ləri daha çox tanıyan, hörmət qoyan,onların adını fərəhlə çəkib,şişirdənlər,onları qoruyanlar onlara qələmi ilə deyil,şantajla gəlir əldə etmələrinə imkan verənlər öz işinin öhdəsindən layiqincə gələn bilməyən,saxta,qanunsuz əməlləri ilə fəaliyyət göstərib,dövləti talan edən bəzi qurumlardır. Və bu səbəbdəndir ki,o cür "jurnalis"lər özlərini akula adlandıraraq,əsil yazarları iyrənc əməlləri ilə kölgədə qoymağa çalışırlar.

Deməli,bunu nəinki,jurnalistikanın,bütün cəmiyyətin bəlası hesab etmək lazımdır.

Mən Azərbaycan Respublikasının Baş prokuroru Kamran Əliyev başda olmaqla bütün hüquq mühafizə orqanlarına üzümü tutub, xahiş edirəm ki, cəmiyyətin bəlasına çevrilən "jurnalist" və öz işinin öhdəsindən layiqincə gələ bilməyən məmur elitasına qarşı tədbir görərək jurnalist və məmur adını ləkələyənlərlə bağlı ciddi tədbir görsünlər.

Mən bir yazar olaraq, dövlətimin qanunlarına sığınır,ədalətinə güvənirəm.

İnanıram ki, tezliklə jurnalist adını ləkələyən "jurnalist"lər və onları dəstəkləyən həmin o məmurlar tezliklə öz gəldikləri yerə geri göndəriləcək.      .

Dəyərli Həqiqixeber.az oxucuları!

Növbəti sayımızda həmin "jurnalist"lərin və onların işlədiyi hər hansı bir mətbu orqanların,saytların və  onlara himayədarlıq edən məmurların kimliyi haqqında da sizi məlumatlandıracağıq.Odur ki,bizi izləməyə davam edin.