Yaşayıb-yaşayıb ömrün yetkin bir mərhələsinə çatanda və çevrilib arxada qalan onilliklərə nəzər salanda, xatırlamağa, arxalanmağa, öyünməyə nəsə tapa bilirsənsə, yaşadıqlarına görə təəssüflənmirsənsə, deməli, ömrün hədər getməyib.

Deməli, ALLAHIN bəxş etdiyi ömrü doğru-düzgün yaşamaq, ədalətli, xeyirxah, el-oba, cəmiyyət üçün lazımlı, gərəkli olmaq, haqqı-nahaqqa verməmək, başqalarının haqqını tapdamamaq kimi dəyərlərə sadiq qalmağı bacarmısan. Belə yaşamaq, əlbəttə, hər kəsə nəsib olmur.

Amma dünya belə dəyərli, qiymətli insanlardan xali də deyil. Bu yazıda məhz elə insanlardan birinin - yüksək texniki biliyi və təhsili olan, yüksək iqtisadi, siyasi və təcrübi qabiliyyətləri olan, xeyriyyəçi Beyləqan Rayon İcra Hakimiyyətinin başçısı Asif Ağayevin keçdiyi mənalı ömür yoluna qısa da olsa, nəzər salmağa çalışacağıq.

Təsadüfən deməyiblər, elin gözü tərəzidir. Hər bir insanı öz mühiti, öz toplumu formalaşdır və onun həyatına, fəaliyyətinə ən sərrast qiyməti də məhz öz ətrafı, tanıdıqları, yaşadığı, üzvü olduğu toplum verir. Bu qiymətləndirmədən uğurla keçmək, bu imtahandan alnıaçıq çıxmaq isə hər adamın nəsibi olmur.

Əgər bugünə kimi yaxşılıq etdiyi, təmənnasız xeyirxahlıq göstərdiyi çoxsaylı insanların minnətdarlığını və alqışlarını da mükafat saysaq, onda deyə bilərik ki, Beyləqan Rayon İcra Hakimiyyətinin başçısı Asif Ağayevin saysız-hesabsız mükafatlar və təltiflər müəllifidir.

Asif Ağayevin səmimiyyət, xeyirxahlıq, mərdlik, düzlük kimi müsbət insanı keyfiyyətlərini də, xüsusi ilə qeyd etmək lazımdır. O, həm də nümunəvi ailə başçısı, bir nəslin, mən deyərdim ki, bir elin, obanın nüfuzlu şəxslərindədir.

Beyləqan Rayon İcra Hakimiyyətinin başçısı Asif Ağayev - Azərbaycan Respublikasının Prezidenti İlham Əliyev və birinci xanım Mehriban Əliyeva 2021-ci il avqustun 26-da Abşeron rayonunda şəhid ailələrinə, müharibə əlillərinə və Vətən müharibəsi qəhrəmanlarına mənzillərin və avtomobillərin təqdim olunması mərasimində iştirak ediblər. Müzəffər Ali baş Komandan İlham Əliyev Vətən müharibəsində şəhidlik zirvəsinə ucalanların ailə üzvlərinə,bu haqq savaşımızda şanlı qələbə qazanan qüdrətli Azərbaycan Ordusunun hərbçilərinə, qazilərinə daim xüsusi diqqət və qayğı göstərir, onların sosial müdafiəsinin möhkəmləndirilməsi, o cümlədən mənzil, fərdi ev və avtomobillərlə təmin edilməsi istiqamətində həyata keçirilən tədbirlər bunun bariz nümunəsidir.

Hazırda dünyada pandemiyanın davam etməsi və iqtisadi-maliyyə çətinliklərinin olmasına baxmayaraq Azərbaycanda bu işlər uğurla davam edir. Avqustun 25 də prezident İlham Əliyevin "Vətən Müharibəsi Qəhrəmanları və onların ailə üzvlərinin sosial-məişət şəraitinin yaxşılaşdırılması haqqında" imzaladığı Sərəncam bu prosesin ardıcıl xarakter aldığını göstərir.

Dövlətimiz eyni zamanda müharibə dövründə öz əmlakını itirmiş mülki şəxslər üçündə minlərlə yeni evlər inşa edir,daim onların qayğısına qalır.

Prezident İlham Əliyev hər zaman nəin bahasını olursa olsun torpaqları qaytaracağına, ərazi bütövlüyümüzü bərpa edəcəyinə, şəhidlərin qisasını alacağına söz vermişdir və bu belə də oldu. Azərbaycan ədaləti bərpa etdi, şəhidlərimizin qanı yerdə qalmadı. Beləliklə biz müzəffər xalq kimi dünya tarixinə adımızı yazdırdıq. Bu gün birinci və ikinci Qarabağ müharibəsi şəhidlərinin xatirəsinə əbədiləşdirmək,daim qəlbimizdə saxlamaq üçün böyük işlər görülür və görülməkdədir. Şəhid ailələrini, Qarabağ qazilərini evlərlə təmin etmək Prezident İlham Əliyevin siyasətinin əsas istiqamətlərindən biridir.

Biz insanlarda hər zaman ikinci Qarabağ müharibəsi haqqında həqiqətləri dünya ictimaiyyətinə çatdırmaq üçün daha fəal olmalı, bu mövzu gənclərimizin tərbiyə işində mütləq ön planda olmalıdır. Çünki ikinci Qarabağ müharibəsindəki qələbəmiz tarixi zəfərimizdir.