heqiqixeber.az
http://heqiqixeber.az
http://bizimlider.com

Ali Baş Komandanımız və güclü Ordumuz sayəsində Qarabağımıza qovuşduq

21-11-2021, 14:42 486 dəfə baxılıb



10.11.2020. Tariximizin silinməz səhifəsinə çevrilən yeni bir təqvim. Azərbaycanın dilbər guşəsi Qarabağın işğaldan azad edildiyi, Dağlıq Qarabağ münaqişəsinə son qoyulduğu gün. 27 payızı düşmən əsarətində keçirən Qarabağımız igid vətən oğullarının cəmi 44 günlük hünəri ilə bir payız günündə yenidən bizə qayıtdı. Bu uğur, bu qələbə naminə igidlərimiz vuruşdu, şəhid, qazi - qəhrəman oldu. Şuşa qalasını dişi ilə, dırnağı ilə fəth etdi. Hər bir azərbaycanlının qəlb yarasına çevrilən Qarabağ adlı yaramız sağaldı deyə bükülmüş boynumuzu dikəltdik. Qələbə ilə gələn gecə uzun oldu. Prezidentin müraciətindən sonra qələbə sevincini yaşamaq üçün qalib ölkənin vətəndaşları gecənin bir yarısı sevincini  hayqırmaq üçün küçələrə axışdı. Bu şad xəbəri hər kəs  böyük coşqu və sevinclə qarşıladılar. İnsan selinə qərq olan küçələrdə uşaqdan böyüyə hamının simasında qürur hissi, qələbə sevinci, vətən sevgisi var idi. Hər kəs bir bayraq olmuşdu. Gecənin zülmətinə göy, qırmız, yaşıl bayraqların ayı, ulduzu işıq salırdı. Avtomobillərin siqnal səsləri ilə “Qarabağ, Qarabağ!” deyərək zəfər xəbərinin pişvazına çıxdı xalqım. Vətənimizin ən böyük toy büsatı quruldu. O gün hər bir azərbaycanlı ömrünün ən qürurlu anlarını yaşadı. Kiçikdən-böyüyə hər kəs qol götürüb oynadı. Azərbaycanımızın hər evindən, hər elindən, hər küçəsindən gəldi zəfər səsləri. Qarabağ sevgisi Azərbaycan sevgisinə döndü.

Yaddaşlardan heç zaman silinməyəcək o gecəni, müqəddəs torpaqlarımıza qayıdışımızı əsl toy-bayram havası ilə qeyd etdik. 10 noyabr səhərini beləcə açdıq. Səmamızda doğan qələbə günəşi də sevincimizə şərik oldu. 

O xoş günümüzdə Şəhid ailələri də unudulmadı, Şəhidlər xiyabanı da. Mübarək qanları ilə vətənləşən o torpaqların işğaldan azadlığı xəbərini onlara da çatdırdıq. "Qanınız yerdə qalmadı" deyib, ruhları qarşısında baş əyərək halallıq aldıq. Döyüş meydanında şəhidlər verərək qazandığımız tarixi qələbə ilə biz aldıq yağı düşməndən qisasımızı. Bu elə bir qisas oldu ki, türkün hünəri mənfur düşmənin canına qorxu saldı, yaddaşının bir küncünə yazıldı. Yazıldı ki, bir daha dönüb qonşu torpağına baxmasın.

Dünyanın hər yerində yaşayan azərbaycanlılar, dost-qardaş ölkələrdə də qeyd edilən tarixi qələbə sevincini bizə bəxş edən isə hər şeydən əvvəl, vətən naminə bir yumruğa dönməyimiz, onlarla mülki şəxsin, yüzlərlə şəhidin ölümü bahasına da olsa, bir an belə dayanmamağımız, kədər göz yaşlarını sevinc yaşları ilə əvəz etməyimiz, sınmayan qürurumuz, ölməyən vətən sevgimiz, yenilməz ordumuz və bütün bunların memarı olan Ali Baş Komandanımız oldu.  

İlahi, bu vətənə, bu millətə qələbə sevinci çox yaraşır. Sən nə şirin nemətimişsən, QƏLƏBƏ...İgid oğulların hünəri ilə qartalımızın yaralanmış qanadı sağaldı, bütövləşdi, əzmlə dalğalandırdı üçrəngli bayrağını caynağında... Bu qələbə bizim üçün unudulmaz oldu.  Şükür sənə, ilahi, bu sevinci bizə yaşatdığın üçün! İndi yağışların daha gur yağsın, payız. Yağsın ki, mənfur düşmənin ayaq izlərini müqəddəs torpaqlarımızdan silib aparsın. Və xalqım gələn baharla cah-cəlalına bürünəcək Qarabağımıza əbədi qayıtsın, o dağların sinəsindən, çəmənlərindən xarıbülbüllər dərsin.

Ali Baş komandanımız haqqında qələbə ruhlu, təbrik dolu  bir-birindən dəyərli  məqalələr müxtəlif ziyalılarımızın dilindən qələmə alınıb. 

Tarix şəxsiyyətlər yetişdirir, digər həqiqqət də ondan ibarətdir ki, şəxsiyyətlər də tarix yaradırlar. Ümummilli lider Heydər Əliyevin şah əsəri olan müstəqil Azərbaycan artıq  etibarlı əllərdədir, davamlı və dinamik inkişaf tempi ilə uğurla irəliləyir. Zəmanəmizin dahisindən  “Ona özüm qədər inanıram və gələcəyinə böyük ümidlər bəsləyirəm” qiymətini alan, bu inamı layiqincə doğruldan və ata vəsiyyətini yerinə yetirən Prezident İlham Əliyev Azərbaycanın bügünkü və gələcək inkişafının təminatçısıdır. Onun rəhbərliyi ilə Azərbaycan özünün bu illər ərzində milli dövlət quruculuğu və idarəçiliyinin növbəti şərəfli mərhələsini yaşayır. Azərbaycan tarixinə yeni missiya ilə qədəm qoyan  Prezident İlham Əliyevin yürütdüyü uğurlu daxili və xarici  siyasəti, düşünülmüş islahatları və müdrik qərarları nəticəsində ölkəmiz sürətlə inkişaf etmiş, bu illər ərzində bir sıra böyük layihələrə imza ataraq beynəlxalq aləmdə söz sahibinə, regionun lider dövlətinə çevrilmişdir.  Müzəffər Ali Baş Komandan İlham Əliyevin rəhbərliyi altında şanlı Azərbaycan Ordusu Vətən müharibəsində möhtəşəm Qələbə qazanaraq ərazilərimizi işğaldan azad etdi və öz adını son 200 ildə ilk dəfə olaraq torpaqlarımızı yağı tapdağından azad edən Böyük Dövlət xadimi, Qüdrətli Sərkərdə kimi Azərbaycan tarixinə həkk etdi.

Yeri gəlmişkən, şanlı Qələbəmizə  qədər möhtərəm Prezident İlham Əliyev hər il özəl gününü –doğum günlərini məcburi köçkünlərlə bağlı tədbirlərdə iştirak etməklə keçirirdi. Artıq o günlər geridə qaldı.

 İnanıram ki, növbəti doğum günlərini Azərbaycan Prezidenti, Ali Baş Komandan azad olunmuş və yenidən qurulmuş, abadlaşdırılmış Qarabağımızın hər bir güşəsində – gözəl Şuşada, Laçında, Kəlbəcərdə, Cəbrayılda, Qubadlıda, Zəngilanda, Ağdamda və Füzulidə, daha sonra Xankəndidə, Xocalıda, Xocavənddə qarabağlılarla birlikdə keçirəcək. Mütləq belə olacaq!

Sadəlik, səmimilik, dünyaya fərqli baxış, müasirlik, bir neçə dildə mükəmməl danışmaq bacarığı, onun liderlik xüsusiyyətlərini şərtləndirən amillərdəndir. Vaxtı düzgün bölmək şəxsiyyətin böyüklüyünə dəlalət edir. Cənab prezident bunu da bacarır. Qətiyyətli prezident, şöhrəti dünyaya yayılan siyasətçi, böyük bir millətin inam və güvənc yeri, cavan ata, ən nəhayət, cavan baba. O, bu gün 60 yaşını qələbə ilə qeyd edən Azərbaycan reapublikasının prezidenti İlham Əliyevdir. Ad gününüz mübarək, cənab Prezident! Yeni yaş Sizə bu çətin, məsuliyyətli və şərəfli işinizdə yeni uğurlar gətirsin! Uca Tanrı Sizi və ailənizi qorusun! 

 

Qara Abdullayev

Nəsimi Rayon Dövlət Yol Polisi (DYPŞöbəsinin rəisi



Baş redaktor
Hacı Ruslan
Tel.: 099 888 84 68





Smiley face

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA
«    Апрель 2025    »
ПнВтСрЧтПтСбВс
 123456
78910111213
14151617181920
21222324252627
282930