"GündəlikXəbər.Az" xəbər verir ki, son illərdə Bakıda estetik klinikaların sayı sürətlə artsa da, bəzilərinin fəaliyyəti ciddi suallar doğurur. Bu baxımdan, "Uğur 777" estetik klinikası tez-tez şikayətlərin mərkəzində yer alır. Klinikaya müraciət edən bir çox vətəndaş, göstərilən xidmətin keyfiyyətsizliyi, qeyri-peşəkar personal və şəffaf olmayan qiymət siyasətindən narazılıqlarını bildirirlər.
Sosial şəbəkələrdə və ictimai platformalarda yayılan rəylərə nəzər yetirdikdə görünür ki, bir çox müştəri prosedur sonrası yaranan fəsadlardan və həkimlərin məsuliyyətsiz münasibətindən gileylənir. Bəzi hallarda isə əməliyyatlardan sonra tibbi yardım tələb edən vəziyyətlər yaranıb. Ən narahatedici məqam isə budur ki, klinika rəhbərliyi bu şikayətlərə ya cavab vermir, ya da məsələyə laqeyd yanaşır.
Sahibkarlıq fəaliyyəti göstərən hər bir tibbi müəssisə qanunvericiliyə və etik normalara riayət etməlidir. Lakin görünən odur ki, "Uğur 777" klinikası bu məsuliyyəti tam şəkildə dərk etmir. İstifadə olunan avadanlıqların steril şəraitdə saxlanılması, prosedurların müvafiq tibbi nəzarət altında aparılması və müştəri razılığı prinsipləri tez-tez pozulur.
Artıq bəzi zərərçəkmiş vətəndaşlar məsələni hüquqi müstəviyə daşıyaraq, klinika barəsində məhkəmə iddiaları qaldırıblar. Tibbi Etika Komissiyası və Səhiyyə Nazirliyi də bu klinikanın fəaliyyəti ilə bağlı araşdırma aparmağa çağırılır.
Vətəndaşların sağlamlığının təhlükə altına düşdüyü, estetik gözəllik uğrunda həyat keyfiyyətinin aşağı düşdüyü bir zamanda bu cür məsuliyyətsiz klinikaların nəzarətsiz fəaliyyəti narahatlıq doğurur.
Jurnalist araşdırması davam edir.

"GündəlikXəbər.Az"