Azərbaycanda dövlət qurumlarının verdiyi, dövlətin tanıdığı  notariuslarda təsdiqlənən sənədlərin saxta çıxarılması, qanunsuz hesab edilməsi halları az qala adi  hala çevrilib. Vətəndaş pulunu verib əmlak alır, əmlakı təmir edir, iş yerinə, yaşayış yerinə çevirir və aylar, illər sonra ortaya çıxan biri deyir ki, bəs əmlak mənimdir. Məlum olur ki, hansısa  notarial kantor saxta sənəd verərək vətəndaşın mülkiyyət hüququnu  pozub. Daha dəqiq desək, notarial kantorlarda alqı-satqı prosesində saxtakarlığa  yol verilib.

Məlumdur ki, Azərbaycanda vətəndaşlar xüsusilə notariat xidmətlərinə üstünlük veriblər. Qısa məlumat üçün bildirək ki, hazırda Azərbaycanda 200-ə yaxın notariat kontoru fəaliyyət göstərir. Onlardan 100-dən çoxu  dövlət kontorudur və  30-u  Bakıda, 70-dən artığı isə  regionlarda yerləşir. Bu dövlət notariat kontorlarında yüzdən artıq  notarius çalışır.
 
Belə kantorlardan biri də Sabunçu rayonu, Zabrat 2 qəsəbəsi, Kürdəxanı şosesi,10-da yerləşən 39 saylı xüsusi dövlət notariat  kantorudur. Bir məsələni də xüsusi olaraq qeyd edək ki, hüquqların notariat qaydasında təsdiq edilməsinin üstünlüyü ondadır ki, notariat qaydasında tərtib edilmiş sənəd hüququ DÖVLƏTİN ADINI  QORUYUR. Amma təəssüf ki, 39 saylı xüsusi dövlət notariat kantorunda nəinki DÖVLƏTİN, heç öz adı belə qorunmur. 

Belə ki, Sabuncu sakinlərinin dediyinə görə, 39 saylı xüsusi dövlət notariat kantorunun xüsusi notariusu Qasımlı Rövşən Yaşar oğlu mülkiyyətin alqı-satqısı, avtomobillərin satışı zamanı ciddi saxtakarlığa yol verir. Bu isə gələcəkdə mülkiyyət hüquqi ilə bağlı  vətəndaşlara ciddi problem yaşadır. 

Sözün qısası, 39 saylı xüsusi dövlət notariat kantorunda hüququn aliliyi deyil, rüşvətin miqdarı əsas götürülür. 

Bütün bunlar azmış kimi, kantorun xüsusi notariusu Rövşən Qasımlı hamıya deyir ki, Ədliyyə Nazirliyində adamım var, mənə kimsə bir söz deyə bilməz.
 
Bir sözlə, Sabuncuda notarial kantor deyil, əsl bazar fəaliyyət göstərir. 

Görəsən, bu barədə  Ədliyyə Nazirliyinin rəhbərliyi nə düşünür ?

Mövzunu gündəmdə saxlayacağıq.

Qarşı tərəfin mövqeyini dərc etməyə hazırıq.