Hörmətli Elşad Hacıyev!

Sizi əlamətdar doğum gününüz münasibətilə ürəkdən təbrik edir, möhkəm cansağlığı, uzun ömür, ailə xoşbəxtliyi və xidmət fəaliyyətinizdə davamlı uğurlar arzulayırıq.

Peşəkar fəaliyyətiniz boyunca dövlətə və xalqa sədaqətlə xidmət etməyiniz, məsuliyyətli və prinsipial mövqeyiniz, informasiya siyasətinin operativ və obyektiv şəkildə ictimaiyyətə çatdırılması istiqamətində göstərdiyiniz yüksək peşəkarlıq hər zaman rəğbətlə qarşılanır. Daxili İşlər Nazirliyinin Mətbuat Xidmətinin KİV və İctimaiyyətlə Əlaqələr Şöbəsinin rəisi kimi media ilə dövlət qurumları arasında sağlam əməkdaşlıq mühitinin formalaşmasına verdiyiniz töhfələr xüsusi dəyərə malikdir.

Azərbaycan Respublikasının qanunlarının aliliyinin təmin olunması, ictimai asayişin qorunması və vətəndaşların düzgün məlumatlandırılması istiqamətində gördüyünüz işlər məsuliyyətli dövlət qulluqçusunun nümunəsidir. Peşəkarlığınız, səmimiyyətiniz və yüksək təşkilatçılıq bacarığınız həm həmkarlarınız, həm də media nümayəndələri tərəfindən yüksək qiymətləndirilir.

İnanırıq ki, bundan sonra da Azərbaycan dövlətinin inkişafı naminə fəaliyyətinizi eyni əzmkarlıq və məsuliyyətlə davam etdirəcək, yeni uğurlara imza atacaqsınız.

Bu xoş gündə Sizə möhkəm cansağlığı, ailənizə firavanlıq, həyatınıza sevinc, fəaliyyətinizə isə yeni nailiyyətlər arzulayırıq. Ulu Tanrı Sizi və doğmalarınızı daim qorusun, ömrünüz uğur, sağlamlıq və xoşbəxtlik içində keçsin.

Doğum gününüz mübarək olsun, hörmətli Elşad Hacıyev! Yeni yaşınız Sizə yeni uğurlar, xoş xəbərlər və tükənməz enerji gətirsin!

Hörmətlə,

Məhruba Usubova

Heqiqixeber.az-ın rəhbəri