Xəzər rayon Buzovna qəsəbəsində yerləşən Delmar istirahət mərkəzinin sahibi işlətiyi işçilərin həyatını təhlükəyə atır
Azərbaycanda iş yerlərində əmək şəraitinin yaxşılaşdırılması, təhlükəsizlik qaydalarına əməl edilməsi, işçilərin sağlamlığının qorunması, əməkdaşların qayğısına qalınması artıq qanunla tənzimlənir. Sirr deyil ki, bəzi işəgötürənlər sahibkarlığı ağalıq etmək kimi başa düşərək, öz obyektlərində çalışanların əməyinə qul əməyi kimi baxır, işçilərin əmək hüquqları ilə hesablaşmır, əməkdaşların təhlükəsizliyinin, sağlamlığının qorunmasının təmin edilməsi barədə ümumiyyətlə düşünmürlər. İlk növbədə işə götürən tərəfin borcudur ki, tikinti aparılan obyektdə işçinin təhlükəsizliyini təmin etsin. Ancaq təssüflə deyə bilərik ki, bir çox sahibkarlar obyetlərində işlətdiyi işçilərin təhlükəsizliyini zərrə qədərdə düşünmürlər.
Heqiqxeber.az xəbər verir ki, işçilərin təhlükəsizliyini nəzərə almayan sahibkarlardan biri də Xəzər rayon Buzovna qəsəbəsində yerləşən Delmar otelin rəhbərliyidir.
Belə ki, Delmar otelin həyətində inşa edilən yeni binaların tikintisi zamanı işçilərin təhlükəsizliyi və sağlamlığının qorunması təmin edilmir. Ərazidə apardığımız araşdırma  zamanı məlum oldu ki, Delmar otelin ərazisində aparılan hündür mərtəbəli obyektlərin tikintisində işləyən işçilər heç bir təhlükəsizlik qaydalarına əməl etməyərək, normativ qaydalarını pozurlar.
Qanunla tikinti sahəsində işləyən işçilər işçilər xüsusi geyim forması, iş ayaq geyimi, görəcəyi işlə bağlı təhlükəsizlik kəməri, eynək, əlcəklə təmin edilməlidir. Onların bu vasitələrdən istifadə etməsinə isə nəzarət olmalıdır. Həmçinin işçinin həyat təhlükəsizliyini təmin etmək üçün onu əmək müqaviləsi ilə işə cəlb etmək daha məqsədəuyğundur.
Ancaq Delmar otelin ərazisində aparılan hündür mərtəbəli obyektlərin tikintisi zamanı yuxarıda qeyd etdiyimiz təhlükəsizlik qaydalarına ümumiyyətlə əməl olunmur.