Xüsusi.TV-yə daxil olan iddialara görə, Aristokrat Klinikasında ciddi qanunsuzluq baş verir. Sosial şəbəkələrdə Dr. Sona Qasımzadə adı ilə tanınan şəxsin heç bir stomatoloji diplomu və sertifikasiyası yoxdur, lakin buna baxmayaraq, o, illərdir diş həkimi kimi fəaliyyət göstərir.
Bu iddialar doğrudursa, məsələ olduqca ciddi təhlükə daşıyır. Stomatologiya son dərəcə həssas və peşəkarlıq tələb edən bir sahədir. Diplomu olmayan bir şəxsin insanlara tibbi müdaxilə etməsi sağlamlıq üçün ciddi fəsadlar yarada bilər – infeksiyalar, yanlış müalicə, hətta geri dönməz diş problemləri.
Sual yaranır: Rəsmi qurumlar bu qanunsuzluğa niyə göz yumur? Saxta stomatoloqun fəaliyyət göstərməsinə kim və ya kimlər icazə verir?
İnanırıq ki, Səhiyyə Nazirliyi, Daxili İşlər Orqanları və digər aidiyyəti qurumlar məsələ ilə bağlı təcili araşdırmalara başlayacaq. Bu kimi halların qarşısı alınmazsa, cəmiyyətin sağlamlığı təhlükə altında qalacaq.
Məsələni diqqətdə saxlayacağıq!
Qarşı tərəfin mövqeyini tanıyırıq.

Heqiqixeber.az