Xüsusi.TV-yə daxil olan iddialara görə, sosial şəbəkələrdə Dr.Sabir_Quliyev adı ilə tanınan şəxs heç bir stomatoloji diplom və sertifikasiyaya malik olmadan fəaliyyət göstərir. Buna baxmayaraq, illərdir diş həkimi kimi insanlara tibbi xidmət təklif edir.

Stomatologiya xüsusi bilik və bacarıq tələb edən bir sahədir. Bu sahədə səhv edilən hər hansı müdaxilə insanın sağlamlığı üçün ciddi təhlükə yarada bilər. Diplomu və peşəkar hazırlığı olmayan bir şəxsin xəstələrin dişlərinə müdaxilə etməsi ağır fəsadlara səbəb ola bilər. Steril olmayan avadanlıqlarla işləmək infeksiyalara yol aça bilər, düzgün müalicə aparılmadıqda isə pasiyentlərin dişlərində geri dönməz problemlər yarana bilər.

Məsələ ilə bağlı geniş araşdırma aparılması və iddiaların təsdiqini tapacağı təqdirdə lazımi tədbirlərin görülməsi vacibdir. İnsan sağlamlığı hər şeydən önəmlidir və bu cür halların qarşısının alınması üçün müvafiq nəzarət mexanizmləri işlək vəziyyətdə olmalıdır.

Məsələni diqqətdə saxlayacağıq!
Qarşı tərəfin mövqeyini tanıyırıq.

Heqiqixeber.az